Şeva Newrôzê / Suzan Samancı

SİLAV, PİRTÛKA MİN A KÛ Bİ NAVÊ "ÇİROKÊN JİNÊN DÎL ŞİKESTÎ" WÊ DEMEK KİN DE BÊ ÇAPKİRİN. Jİ ÇİROKA "ŞEVA NEWRÔZÊ" BEŞEK; FERMO. Bİ SİLAVÊN GERMİN.

07.12.2020 - 00:44 Yayınlanma

91 Gösterim

SİLAV, PİRTÛKA MİN A KÛ Bİ NAVÊ "ÇİROKÊN JİNÊN DÎL ŞİKESTÎ" WÊ DEMEK KİN DE BÊ ÇAPKİRİN. Jİ ÇİROKA "ŞEVA NEWRÔZÊ" BEŞEK; FERMO. Bİ SİLAVÊN GERMİN.

ŞEVA NEWRÔZÊ

Ev çi gotin e? Baş e ku tu heyî! Diyare rêzefilmên emerîkî û yên tirkan niyane hişê me. Ferika gundî xwe kiriye wek palyaçoyan, qey qolyeya Ahûra Mazda, nûh standiye, destê wê li ser qolyeyê bû, mîna ku digot hûn çima wê nabînin? Boyaxa lêvên wê, mîna kela ji quşxanê re fûriyayî bû! Çavên wê li Eliyê Mîran bû. Ma ez çima jê re dibêjim Mîran, çêtire bêjim mîr reben! Min bihîst ku bi riya înternetê jinên hêjar dixapîne. Dîlanê digot:

“Wî bênamûsî Saliho jî xerab kiriye! Wisa vira dike ku lingê gayê nêr di ber da dişkê!”

Çend caran hatiye mala Dîlanê, tinazên xwe pê kiriye û gotiye:

“Hûn jin aqilên xwe dikin qûna derziyê! Ev pir li xweşiya Saliho çûye, keniya ye. Wî mîr rebenî fit daye Saliho û gotiye;

“Tu çima emrê xwe bi jineke tenê re derbas dike, jiyana monoton rewşenbîran dirizîne!“

Wey qebrax û rewşenbîrê sexte! Ji jina xwe ya welêt şerm dike û wê vedişêre, ji der û dora xwe re dibêje ez ezeb im û jina diavêje nav ciyan, dure diçe dûrişma diavêje û dibêje;

“Ax welat û ji jina re azadî!“

Ev mîr reben, di bin çavên xwe yên şiqitî re li min dinêre, ez dilê wî dixwînim ku niha li min difikire! Ji bo min jî gotiye:

“Jinên wisa şeş gûnik ji min re ne lazim in!”

Ji vî rebenî wê ye tevahiya jinan aşîqê wî ne! Saliho jî xirandî ye! Şeqal û meqalan li dora xwe dicivîne, kesên wisa genetîga gelan jî xera dikin.

Editör: Haber Merkezi

Yorumlar