<br /> <br /> <br /> <br /> <strong>AMED_ÖTEKİLERİN GÜNDEMİ:</strong> DÎAYDER'Ê bi daxuyaniyeke nivîskî êrîşên li dijî goristanan şermezar kir û da zanîn ku di ola îslamê de êrîşa li dijî goran hatiye heramkirin.<br /> <br /> Hefteya borî li Wanê vê hefteyê jî li Mûşê û navçeya Farqînê ya Amedê leşker û polisan êrîşî gorên kesên ku di demên cûda de di pevçûnan de jiyana xwe ji dest dabûn kiribûn û li ber çavê malbatan kêlêkên goran hilweşandibûn. Komeleya Alimên Olî (DÎAYDER), têkildarî mijarê daxuyaniyeke nivîskî weşand û bertek nîşanî hilweşandina goran da.<br /> <br /> <strong>“ÊRÎŞ NE MIROVÎ YE”</strong><br /> <br /> DÎAYDER’ê di daxuyaniya xwe de destnîşan kir ku di ola îslamê de sînorên mizgeft û goristanan heman sînorên û êrîşên li dijî mizgeft û goristanan hatine heramkirin û ev tişt got: “Dijminatiya di navbera mirovan de, di kîjan astê de dibe bila bibe, divê ku bê hurmetî ji gor û perestgahên wan re neyê kirin. Hilweşandina gorê zarokên kurdan û şikandina kêlêkênwan a ji ber tîpên kurdî ne îslamî ye ne jî mirovî ye.”<br /> <br /> <strong>“DIVÊ HERKES XWE BIKE ŞÛNA MALBATAN”</strong><br /> <br /> Di berdewama daxuyaniya xwe de DÎAYDER’ê bang li Serokatiya Diyanetê kir ku têkildarî mijarê daxuyaniyek bide û ev nirxandin kir: “Hemî oldar li henber vê mijara hovane ker, kor û lal in. Her mirovek xwedan wijdan divê carekê xwe bike şûna kesên ku êrîşên li hemberî gorên zarokên wan hatine.”<br /> <br /> <strong>(MA)</strong>